Ermənistan XİN başçısı: “Azərbaycanın AİB-ə üzvlüyünə qarşı çıxacağıq”

Ermənistan Azərbaycanın Avrasiya İqtisadi Birliyinə üzv olmasına qarşı çıxacaq.

Bunu Ermənistan XİN rəhbəri Zoqrab Mnatsakanyan Rusiyanın “Kommersant” nəşrinə müsahibəsində bildirib.

“AİB əməkdaşlıq təşkilatıdır, Azərbaycan isə hazırda Ermənistanı bloklayır və bizim əleyhimizə birtərəfli tədbirlər görür”, - deyə Z.Mnatsakanyan bildirib.

Qeyd edək ki, AİB 2015-ci ilin yanvarın 1-də Gömrük Birliyi və Vahid İqtisadi Məkan bazasında yaradılıb. Hazırda Rusiya, Qazaxıstan, Qırğızıstan, Belarus və Ermənistan AİB-ə üzvdürlər.