İsrail prezidenti Fələstin liderinin Ramazan bayramını təbrik etdi

İsrailin prezidenti Reuven Rivlin və Fələstin lideri Mahmud Abbas arasında telefon danışığı olub.

APA-nın məlumatına əsasən, İsrail prezidenti Mahmud Abbası müqəddəs Ramazan bayramının başlaması və sağalması münasibətilə təbrik edib. Fələstin lideri, öz növbəsində, Reuven Rivlinə minnətdarlığını bildirib.

Qeyd edək ki, Mahmud Abbas mayın 28-də xəstəxanadan evə buraxılıb. 83 yaşlı Fələstin lideri mayın 20-də ağ ciyər iltihabı diaqnozu ilə xəstəxanaya yerləşdirilmişdi.