Merkel Putinlə görüşə gəldi və...

Almaniyanın kansleri Angela Merkel Rusiyaya səfər edib.

Virtualaz.org-un məlumatına görə, Soçi şəhərində A.Merkel Rusiya prezidenti Vladimir Putinlə və baş nazir Dmitri Medvedevlə görüşüb.

D.Medvedevin yeni hökumət formalaşdırdığını öyrənən kansler rus dilində onları təbrik edib və uğurlar arzulayıb.

Xatırladaq ki, daha əvvəl Rusiya liderinin mətbuat katibi Dmitri Peskov Putinin Merkellə “Şimal axını-2” qaz kəmərinin tikintisi ətrafında vəziyyəti, həmçinin Suriya və Ukrayna münaqişələrinin nizama salınması məsələlərini müzakirə edəcəyini bildirmişdi.

Danışıqlar əvvəlcə məhdud, daha sonra geniş tərkibdə keçiriləcək. Liderlər danışıqların nəticələrinə görə mətbuat konfransı keçirəcəklər.