Gözlənilməz görüş: Putin Soçidə Bəşər Əsədlə bir araya gəldi – YENİLƏNİB

Rusiya prezidenti Vladimir Putin və Suriya lideri Bəşər Əsəd Soçi görüşündə Suriyada terrorla mübarizədə atılacaq birgə addımları razılaşdırıblar.

Bu barədə Kremlin saytı məlumat yayıb.

“Biz Suriya prezidenti ilə Suriya Ərəb Respublikasında terrora və terrorçu qruplaşmalara qarşı mübarizədə görüləcək birgə tədbirləri razılaşdırdıq, Suriya ordusunun bu yolda əldə etdiyi böyük nəticələri qeyd etdik və belə bir nəticəyə gəldik ki, bu gün siyasi prosesin aktivləşməsi üçün olduqca əlverişli bir vəziyyət yaranıb”, - deyə Putin bildirib.

* * *22:46 05/17/2018

Rusiya prezidenti Vladimir Putinlə suriyalı həmkarı Bəşər Əsəd Soçi şəhərində görüşüb.

RİA Novosti xəbər verir ki, bunu Rusiya prezidentinin mətbuat katibi Dmitri Peskov deyib.

"Bu gün Soçidə Rusiya prezidenti Putinin Suriya Ərəb Respublikasının rəhbəri Bəşər Əsədlə danışıqları baş tutub. Əsəd Soçiyə işgüzar səfərə gəlib", — deyə Peskov bildirib.