Bəşər Əsəd sükutu pozdu: "Bu hücumlar..."

Qərb koalisiya qüvvələrinin Suriyanı bombalamasından sonra ölkə prezidenti Bəşər Əsəd sözügedən hadisəni qınayan bəyanatla çıxış edib.

Yenicag.az rus mətbuatına istinadən xəbər verir ki, prezident: “Bu hücumlar Suriya xalqının terrorizmlə mübarizədə birliyini daha da artacaq”, sözlərini deyib.

Qeyd edək ki, hücumlardan sonra Dəməşq sakinləri bayraqlarla küçələrə çıxaraq Suriya ordusuna, hakimiyyətə və Bəşər Əsədə dəstəyini bildiriblər.

Xatırladaq ki, ABŞ prezidenti Donald Tramp Suriya ərazilərinə raket zərbələri endirmək əmrini verib. Böyük Britaniya və Fransa da ABŞa qoşulub.