Jirinovski: ABŞ ermənilərin əli ilə Türkiyəni parçalayacaq

ABŞ kürdlərin və ermənilərin əli ilə Türkiyədə narahatlıq yaratmaq niyyətindədir.

Virtualaz.org yerli KİV-ə istinadən bildirir ki, bunu Rusiya Liberal Demokrat Partiyasının sədri Vladimir Jirinovski deyib. Onun sözlərinə görə, Yerevan Qərbi Ermənistanın onlara verilməsi qarşılığında ABŞ-a yardım edəcək: “Kürdlər və ermənilərin vasitəsilə onlar 10-15 il sonra Türkiyəni parçalayacaqlar. Ona görə ki, Ermənistan amerikalılara İrana qarşı əməliyyatlarda yardım edəcək, əvəzində Qərbi Ermənistanı alacaq. Kürdlər isə birləşmiş Kürdistan yaratmaq istəyirlər. Kürdlərin böyük hissəsi Türkiyədədir. Yekunda Türkiyə və İranın yerdə qalan hissəsi Rusiyanın tərkibinə daxil olacaq”.