Türkiyədə daha 3 min hərbçi işdən çıxarılacaq

Türkiyə Silahlı Qüvvələri daxilində daha 3 min nəfəri ifşa etmişik. Yaxın günlərdə onlar işdən çıxarılacaq.

Virtualaz.org-un məlumatına görə, bunu Milli Müdafiə naziri Nurəddin Canikli bildirib.

FETÖ ilə mübarizədən danışan Canikli daha əvvəl heç bir iz qoymayan vəzifələrdə olan kripto təşkilat nümayəndələrinin olduğunu bildirib.

Xatırladaq ki, Türkiyədə 16 iyul (2016) hadisələrindən sonra 50 minə yaxın insan həbs olunub, 140 minə yaxın hərbçi təxris edilib və ya vəzifədən kənarlaşdırılıb.

Türkiyə hökuməti dövlət çevrilişinə cəhdin təşkilində Fətullah Güləni suçlayır və Vaşinqtondan onun ekstradisiya olunmasını tələb edir.