Qadın donlu İŞİD üzvləri tutuldu

İraq hərbçiləri qadın paltarı geyinmiş 20 İŞİD üzvünü həbs edib.

ANS PRESS-in məlumatına görə, hadisə İraqın Baakuba şəhərinin şimal səmtində baş verib.

Yerli KİV-lərin yazdığına görə, silahlı qruplaşmanın üzvləri gizlənmək üçün hicab geyiniblər və üzlərinə makiyaj çəkiblər. Yaraqlılar hətta donların altından qadın alt paltarları geyinməyi də unutmayıblar. Amma tutulanlardan bəziləri bığlarını və saqqallarını qırxmayıblar.

Hərbçilər saqqallı qadınların qəribə dəstəsindən şübhələnərək onları saxlamaq istəyiblər. İŞİD üzvləri qaçmaq istədikdə hərbçilər onları saxlayıb.

Məlum olub ki, İŞİD üzvləri 6 gün əvvəl İraq ordusunun əlinə keçmiş Tikrit şəhərindən qaçıblar. Hazırda onlar polisin nəzarətindədirlər.