Dağlıq Qarabağın keçmiş komendantı Bakıda mətbuat konfransı keçirdi » AzNews.info -Xəbər portalı

Bölmə: Siyasət, Qarabağ

Dağlıq Qarabağın keçmiş komendantı Bakıda mətbuat konfransı keçirdi

Dağlıq Qarabağın keçmiş komendantı Bakıda mətbuat konfransı keçirdi

"Mən 1990-ci ilin dekabrında Dağlıq Qarabağı tərk etmişəm. Həmin dövrə qədər Xankəndindəki bütün qanunsuz silahlı birləşmələr tərksilah edilmişdi".

APA-nın xəbərinə görə, bunu Azərbaycan SSR Dağlıq Qarabağ Muxtar Vilayəti (DQMV) xüsusi vəziyyət rayonunun ilk komendantı, hazırda Rusiyada yaşayan general-mayor Vladislav Safonov Bakıda keçirdiyi mətbuat konfransında deyib.

Azərbaycanın Dağlıq Qarabağ münaqişəsinə hazır olmadığını vurğulayan V. Safonov bildirib ki, onun şəxsi iştirakı ilə çox çətin vəziyyətdə sabitlik qorunub saxlanılıb və böyük toqquşmaların qarşısını almaq mümkün olub: "Həmin dövrdə Xankəndində qanunsuz silahlı birləşmələrin zərərsizləşdirilməsi istiqamətində əməliyyatlar keçirilirdi. Vilayətdə yaşayan ermənilər mənim həyata keçirdiyim işlərə əngəl törətmək istəyirdilər. Hər yerdə silahlı insanlar gəzirdi. Mən təxribatların baş verməsindən çox ehtiyat edirdim".

Rusiyalı general qeyd edib ki, münaqişənin alovlanmasına SSRİ-nin dağılması səbəb olub: "Sovet hakimiyyəti, o zamankı Azərbaycan rəhbərliyi Dağlıq Qarabağ münaqişəsinin nizamlanması ilə bağlı gücsüzlük nümayiş etdirirdi. 30 il əvvəl Dağlıq Qarabağda baş verənlər qarşısında rəsmi Bakı, Azərbaycanın o vaxtkı rəhbərliyi susurdu. Onlar münaqişənin qarşısının alınması üçün əməli addımlar atmırdılar".

Qeyd edək ki, V. Safonov DQMV xüsusi vəziyyət rayonunun komendantı vəzifəsini 1988-ci ilin mayından 1990-cı ilin dekabrınadək icra edib.

Mənbə: APA
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *