"Kreml hesabatı" yeni sanksiyalara gətirib çıxaracaq

ABŞ-ın Maliyyə Nazirliyinin dərc etdiyi "Kreml hesabatı" adlı sənəd Rusiyaya qarşı yeni sanksiyalara gətirib çıxaracaq.

Virtualaz.org xarici KİV-ə istinadən bildirir ki, bu barədə ABŞ-ın maliyyə naziri Stiven Mnuçin Konqresdə bildirib.

Nazir deyib ki, əlavə sanksiyalar tətbiq etmək üçün, onlar daha əvvəl elan edilmiş hesabat və kəşfiyyat məlumatlarından istifadə etmək niyyətindədirlər və hazırda onların üzərində çalışırlar.

Stiven Mnuçin sanksiyaların tətbiq olunacağı tarixi açıqlamaq istəməsə də vurğulayıb: “İnandırıram ki, biz bunu mümkün qədər tez edəcəyik, ola bilsin ki, bu bir neçə ay, ya da ki bir ay çəksin, hələ xeyli iş görülməlidir”.

Qeyd edək ki, ABŞ Maliyyə Nazirliyi bundan əvvəl “Kreml hesabatı”nı təqdim edib. Sanksiya məruzəsi Rusiya prezidentinin yaxın ətrafı, iri sahibkarlar və dövlət şirkətlərini əhatə edib.