Ən müasir müharibə başlayır

ABŞ xüsusi xidmət orqanları hesab edir ki, Rusiyadan gələn kiberhücum təhlükəsini düşünüldüyündən daha ciddi ölçülərdədir.

ANS PRESS-in məlumatına görə, bu barədə Milli Kəşfiyyatın rəhbəri Ceyms Klapper deyib.

Klapperin sözlərinə görə, Rusiya Müdafiə Nazirliyi təbliğatı idarə edəcək və düşmənin kompüter sistemlərini ziyanlı proqramlara yoluxdura biləcək bölmələr formalaşdırır.

"Çin də ciddi təhlükədir. Öz növbəsində İran və Şimali Koreya kimi ölkələr daha az texniki imkanlara, lakin, güman ki, daha dağıdıcı niyyətlərə malikdir" deyə Klapper Senatın silahlı qüvvələr üzrə komitəsinə bildirib.

Klapper qeyd edib ki, ABŞ hökuməti illərlə maliyyə institutlarının işini pozmağa, elektrik stansiyasını söndürməyə qadir olan mümkün "kiberarmageddon" barədə xəbərdarlıq edirdisə hazırda xüsusi xidmət orqanları əsasən diqqətini xırda və orta səviyyəli hücumlara istiqamətləndirib.

Zaman keçdikcə kiçik hücumların yaratdığı kumulyativ, iqtisadi effekt, iqtisadiyyat və milli təhlükəsizlikdə özünü daha çox hiss etdirəcək- deyə Klapper qeyd edib.