Qazaxıstanda növbədənkənar prezident seçkiləri keçiriləcək

Qazaxıstan prezidneti Nursultan Nazarbayev Qazaxıstan Xalqlar Assambleyasının (QXA) növbədənkənar prezident seçkilərinin keçirilməsnə dair təşəbbüsünü dəstəkləyib.

AzNews.info Virtualaz.org-a istinadən xəbər verir ki, Nazarbayev növbədənkənar prezident seçkilərinin bu il aprelin 26-da keçirilməsinə dair fərman imzalayıb.

N.Nazarbayev dövlət televiziyasının canlı efirindəki çıxışında bildirib ki, “xalqın maraqlarını və xahişlərini nəzərə alaraq növbədənkənar prezident seçkilərinin keçirilməsinə dair fərman imzalamalı olub”.

Yada salaq ki, N.Nazarbayev Qazaxıstana 1989-cu ildən rəhbərlik edir. O, əvvəlcə Qazaxıstan Kommunist Partiyası Mərkəzi Komitəsinin I katibi, sonra isə müstəqil ölkənin prezidenti olub.