Bayden Klintonun administrasiyasında işləməkdən imtina etdi

ABŞ-ın vitse-prezidenti Cosef Bayden bəyan edib ki, Hillari Klintonun prezident seçkilərində qələbə qazandığı təqdirdə onun administrasiyasında vəzifə tutmaqda maraqlı deyil.

Oxu.Az xəbər verir ki, bu barədə Reuters məlumat yayıb.

“Mən ona seçkilərdən sonra yardım etmək üçün mümkün olan hər şeyi edəcəm, amma administrasiyada qalmaq istəmirəm”, - Bayden qeyd edib.

Daha öncə “Politico” mənbəyə istinadən Baydenin ABŞ-ın dövlət katibi postuna namizədlərin siyahısına başçılıq etdiyi barədə məlumat yaymışdı.