Xədicə İsmayıl həbsdə qaldı

Səbayıl rayon Məhkəməsində bu gün həbsdə olan jurnalist Xədicə İsmayılın həbs müddətinin artırılması ilə bağlı təqdimata baxılıb.

AzNews.info Azadlıq Radiosuna istinadla xəbər verir ki, prokuror Xədicə İsmayılın həbs müddətinin daha 4 ay uzadılması ilə bağlı təqdimat verib. Müşavirədən qayıdan məhkəmə jurnalistin istintaq müddətində daha 2 ay həbsda saxlanması ilə bağlı qərar verib.

X.İsmayıl ötən il dekabrın 5-də həbs olunub. O, jurnalist Tural Mustafayevin «özünü öldürmə həddinə çatdırma» ittihamı ilə saxlanıb. Xədicə İsmayıl bu ittihamları rədd edərək, həbsini siyasi sifariş sayır.

Xatırladaq ki, fevralın 5-də Xədicə ismayılın həbs müddəti başa çatmalı idi.