Poroşenko təcili iclas çağırdı

Ukrayna prezidenti Pyotr Poroşenko Donetskdə vəziyyətin gərginləşməsi ilə əlaqədar bu gün Ukrayna Milli Təhlükəsizlik və Müdafiə Şurasının iclasını keçirib.

ANS PRESS-in məlumatına görə, o, iclasda Mariupoldakı silahlı atışma nəticəsində 2-si uşaq olmaqla 30 nəfərin öldüyünü deyib.

Prezident toplantıda daha 92 nəfərin yaralandığını, onlardan 17-nin vəziyyətinn ağır olduğunu, 30 binanın zərər gördüyünü də bildirib.

Xatırladaq ki, Ukraynanın Donetsk vilayətinin Mariupol şəhəri yanvarın 24-də separatçılar tərəfindən “Qrad” qurğularından atəşə tutulub. Bununla əlaqədar Pyotr Poroşenko yanvarın 25-nin ölkədə matəm elan edilməsi haqqında fərman verib. Matəm səbəbilə dövlət bayraqları endirilib. Həlak olanların xatirəsi 1 dəqiqəlik sükutla yad edilib.