Türkmənistanda prezident səlahiyyətlərinin müddəti artırılacaq

Türkmənistan Ağsaqqalar Şurasının iclası sentyabrın 14-də Aşqabadda ölkənin yeni konstitusiyasını qəbul edəcək.

Oxu.Az RİA Novosti-yə istinadən xəbər verir ki, iclasın tarixi haqqında sərəncamı prezident Qurbanqulu Berdiməhəmmədov imzalayıb.

Məlumata görə, yeni layihənin hazırkı sənəddən əsas fərqi prezident səlahiyyətlərinin müddətindədir. Müddət 5-dən 7 ilə qədər artırılır.

Bundan başqa prezidentliyə namizədin yaş həddinə məhdudiyyət götürülür. Hazırda bu yaş həddi 70 yaşa qədərdir.

Daha öncə Q.Berdiməhəmmədov konstitusiyanın Türkmənistanın “siyasi və sosial-iqtisadi inkişafının reallıqlarına müvafiq olmasını” qeyd etmişdi.