Ərdoğanın hərbi müşaviri həbs edilib

Türkiyə prezidentinin hərbi müşaviri Albay Ali göz altına alınıb.

Oxu.Az “Anadolu”ya istinadən xəbər verir ki, Albay Ali baş tutmayan hərbi çevrilişin təşkilində ittiham edilir.

Xatırladaq ki, 15-dən 16-na keçən gecə bir qrup hərbçi Türkiyədə dövlət çevrilişinə cəhd edib. Qiyamçılar Ankara və İstanbulda bir sıra strateji obyektləri nəzarət altına aldılar, amma bir neçə saatdan sonra qiyam yatırılıb.

Türkiyə hüquq-mühafizə orqanı əməkdaşları minlərlə insan həbs ediblər, onların arasında yüksək və ortarütbəli hərbçilər də var. Dövlət çevrilişinə cəhd nəticəsində 265 nəfər ölüb.