Yunanıstan qiyamçıların helikopterini qaytardı

Yunanıstan uğursuz çevriliş cəhdindən sonra göyərtəsində səkkiz türk hərbçisi olan və Aleksandrupolis şəhərinə eniş edən helikopteri Türkiyəyə qaytarıb.

Oxu.Az-ın “Anadolu” agentliyinə istinadən məlumatına görə, helikopterdə olan iki mayor, bir kapitan və beş əsgər Yunanıstandan sığınacaq istəyiblər.

Bildirilir ki, qiyamçıların Türkiyəyə qaytarılması məsələsinə Yunanıstan və beynəlxalq hüquq normaları çərçivəsində baxılacaq.

Rəsmi Ankara onların dərhal qaytarılmasını tələb edir.

Xatırladaq ki, bundan əvvəl Yunanıstanın XİN rəhbəri Aleksis Tsipras qiyamçı hərbçilərin Türkiyəyə ekstradisiya olunacağını prezident Ərdoğana vəd edib.