Putinin nümayəndələri Kadırovla görüşdən imtina etdi

Rusiya Prezidentinin İnsan Haqları üzrə Şurasının üzvləri Çeçenistan lideri Ramzan Kadırovla planlaşdırılan görüşdən imtina edib.

Axar.az xəbər verir ki, bu barədə RBK agentliyinə Şuranın üzvü Andrey Babuşkin deyib.

Onun sözlərinə görə, buna səbəb Kadırovun Şuranın üzvlərindən biri olan İşgəncələrin Qarşısının Alınması üzrə Komitənin rəhbəri İqor Kalyapinə qarşı münasibətidir:

“Çeçenistandan tranzit kimi istifadə edib, Dağıstana və İnquşetiyaya getdik. Çeçenistanda iki gün qalıb yerli sakinlərlə, iyunun 2-də isə Kadırovla görüş planlaşdırmışdıq. Lakin artıq Çeçenistandan çıxmışıq və geri qayıdırıq. Şuranın fikrini dəyişməsinə səbəb Kadırovun Kalyapinə olan münasibətidir. Kalyapin daim Kadırovu tənqid etdiyi üçün çeçen lider onun ölkəsinə gəlməsini istəməyib”.

Qeyd edək ki, Kalyapin daim Çeçenistanın hüquq mühafizə orqanlarının öz səlahiyyətlərindən sui-istifadə etdiyini bildirib.