Ermənidən Hrant Dinkə söyüş

İrəvan Dövlət Universitetinin dekan müavini, erməni türkoloq Ruben Melkonyan Türkiyə ermənilərinə məxsus "Hrant Dink" fondunu kəskin tənqid edib.

ANS PRESS-in məlumatına görə, bu gün İrəvanda mətbuat konfransı keçirən Ruben Melkonyan əvvəl İstanbulda çıxan "Aqos" qəzetinin redaktoru Hrant Dink barədə danışıb. Onun ziddiyyətli adam olduğunu deyən Melkonyan, Hrant Dinkin yalnız ölümü ilə türk təbliğatına mane olduğunu bildirib.

Daha sonra "Hrant Dink" fondundan danışan Ruben Melkonyan onun qrant layihəsi olduğunu iddia edib: "Məndən ötrü "Aqos" qəzetinin əməkdaşları türklərdən heç nə ilə fərqlənmirlər".