Bakıda Silahlı Qüvvələrin orkestrlərinin nümunəvi çıxışları təşkil olunacaq

Heydər Əliyevin anadan olmasının 93-cü ildönümü və Böyük Vətən müharibəsində qələbənin 71 illiyi münasibəti ilə bu gün saat 17:00-dan 19:00-dək Bakı şəhərinin müxtəlif yerlərində Silahlı Qüvvələrin orkestrlərinin çıxışları təşkil olunacaq.

Oxu.Az-ın Müdafiə Nazirliyinin saytına istinadən verdiyi məlumata görə, orkestrlər Dənizkənarı Milli Park, Azadlıq meydanı ilə üzbəüz fəvvarələrin qarşısı, Ukrayna dairəsi yaxınlığındakı Heydər Əliyev adına park, Zərifə Əliyeva adına park, Zabitlər parkı və Fəvvarələr meydanında çıxış edəcəklər.

Eyni zamanda bütün qarnizonlar və iri şəhərlərdə də hərbi orkestrlərin nümunəvi çıxışları planlaşdırılıb.