PKK lideri Qarailanın danışığı deşifrə edildi

Türkiyənin hüquq mühafizə orqanları PKK-nın liderlərindən Murad Qarailanın Van, Şırnak, Ərzurum, Muş və Tuncelidəki terrorçularla rabitə danışığını deşifrə edib.

Axar.az xəbər verir ki, Qarailan terrorçulara ciddi itkilər verdiklərini və döyüşməyə terrorçu tapmadıqlarını bildirib.

O, yenidən aktivləşəcəklərini deyib:

“Xalqın bizə qoşulması üçün işlərə başlayın. Hüquq mühafizə orqanları ilə qarşıdurmalarda çox itkilər vermişik. Yeni döyüşçülərə ehtiyacımız var. Döyüşməyə adam tapa bilmirik. Türk ordusunun gücünü heçə saymayın. Mühasirə metodundan çox yaxşı istifadə edirlər. Yaxın vaxtlarda yenidən hücuma keçəcəyik”.