Erməni bayrağı “qara siyahı”ya salındı: İŞİD-lə bərabər

Qondarma Dağlıq Qarabağ Respublikasının bayrağı “Eurovision” beynəlxalq mahnı yarışmasında nümayişi qadağan olunmuş simvolların “qara siyahı”sına daxil edilib.

Cebhe.info xəbər verir ki, bu barədə Rusiyanın Gazeta.ru nəşri məlumat yayıb.

Qeyd edilən “qara siyahı”ya “İslam Dövləti” (İŞİD) terror təşkilatının, İspaniyadakı baskların muxtar cəmiyyətinin, Fələstinin, Kosovonun, Krımın, Şimali Kipr Türk Cümhuriyyətinin, qondarma Donetsk Xalq Respublikası və Dnestryanı rejimin bayraqları da daxil edilib.

Müsabiqənin internet saytında qeyd edilib ki, “Eurovision”da bölgələrin, əyalətlərin, mübahisəli ərazilərin bayraqlarının və dini-siyasi rəmzlərin nümayişi qadağandır.