Millət vəkili: "Siz özümüzünkülərsiz"

Litva respublikasının Müstəqillik günü Bakıda qeyd olunub. ANS PRESS-in məlumatına görə, tədbirin rəsmi hissəsində Litva respublikasının himni Litvadan təşrif buyuran Riqanın 4 ahəngi "Harmony 4 Riqa" kvarteti tərəfindən səsləndirilib.

Bu, sözügedən kvartetin ölkəmizə ilk səfəri deyil. "Harmony 4 Riqa" Masallıda keçirilən builki folklor festivalının laureatı olub.

Bayram tədbirində iştirak edən tanınmış jurnalist və millət vəkili Elmira Axundova kvartetin Masallı camaatı arasında yaxşı tanındığını bildirib. Musiqili qrup haqqında çox gözəl fikirlər səsləndirən Elmira xanım, millət vəkili olduğu Masallı rayonu adından da bu qrupu salamlayıb və onlara "Siz bizim özümüzünkülərsiz və sizin Masallıya yeni səfərinizə ümid edirik!".

Beləcə, Litva səfirliyi bayram təntənəsində ölkəsinin məşhur kvartetinin mini konsertini təşkil etməklə gecəni yaddaqalan edə bildi.

Qeyd edək ki, Masallıda hər il beynəlxalq musiqi festivalları keçirilir. Builki festivalda 6 xarici ölkə iştirakçıları arasında Litva respublikası da olmuşdu.