“TurAz Şahini 2016” başlayır

Təlimlər Türkiyədə keçiriləcək.

Azərbaycan və Türkiyə Silahlı Qüvvələri arasında son 2 ildə müntəzəm olaraq keçirilən “TurAz Şahini” təlimlərinin növbəti mərhələsi başlayır.

Oxu.Az hərbi mənbələrdən əldə etdiyi məlumata görə, təlimlər mart ayının 7-də Türkiyənin Konya şəhərində baş tutacaq.

“TurAz Şahini 2016” təlimlərində Azərbaycan Hərbi Hava Qüvvələrinin “MiQ-29”, “Su-25” döyüş, “İl-76” hərbi nəqliyyat təyyarələri, helikopterlər, Türkiyə tərəfdən “F-16”, “F-4” qırıcı-bombardmançıları, müxtəlif döyüş və nəqliyyat helikopterləri iştirak edəcəklər.

Təlimlərin martın 26-dək davam edəcəyi bildirilir.