“TurAz Şahini 2015” başa çatdı – FOTO

Azərbaycan və Türkiyə Hərbi Hava Qüvvələrinin Konyada martın 2-dən etibarən keçirilən “TurAz Şahini 2015” birgə təlimləri aprelin 2-də başa çatıb.

Oxu.Az xəbər verir ki, təlimlərin son gününü Türkiyə Hava Qüvvələrinin komandanı, ordu generalı Akın Öztürk və Azərbaycan Hərbi Hava Qüvvələrinin komandanı Ramiz Tahirov da izləyib.

Azərbaycan Hərbi Hava Qüvvələrini təlimlərdə təmsil edən MiQ-29 tipli qırıcılarımız geriyə, Vətənə qayıdırlar.

Bundan başqa, hazırda Türkiyədə olan hərbçilərimizin bir hissəsi aprelin 2-də start götürən İŞIK-2015 çoxmillətli beynəlxalq axtarış-xilasetmə təlimlərində iştirak edəcəklər. Həmin təlimlərə Azərbaycan HHQ-nin 4 ədəd Mi-17 döyüş-nəqliyyat helikopteri qatılıb.

Təlimin son günlərindən çəkilmiş fotoşəkilləri təqdim edirik.