Avropa İttifaqı Ukrayna və Gürcüstan üçün viza rejimini ləğv edir

Avropa Komissiyası Ukrayna və Gürcüstanın Avropa İttifaqı ilə vizasız rejimə keçmək üçün bütün lazımi tələbləri yerinə yetirdiyini bəyan edib, Oxu.Az bu barədə RİA Novosti-yə istinadən xəbər verir.

Qeyd edildiyi kimi, 2016-cı ilin əvvəlində AK Avropa İttifaqının viza rejiminə dəyişikliklərin edilməsinə dair tövsiyələri təqdim edəcək.

Məruzə AK-nın saytında dərc edilib.

Daha öncə Avropa Komissiyasının Aİ ilə viza rejiminin liberallaşmasına dair tələblər planının yerinə yetirilməsi haqqında hesabatın qəbul edildiyi barədə məlumat yayılmışdı.

Həmçinin, Ukraynaya vizasız rejimin təqdim edilməsinin Kiyev və Brüssel arasındakı münasibətlər sayəsində olduğu da vurğulanıb.