Konstitusiya Məhkəməsi seçkilərin nəticələrini təsdiqlədi

Azərbaycanın Konstitusiya Məhkəməsi noyabrın 24-də V çağırış Milli Məclisə keçirilmiş seçkilərin nəticəsini təsdiq edib.

Oxu.Az xəbər verir ki, Məhkəmənin qərarını sədr Fərhad Abdullayev elan edib.

Qərara əsasən, Konstitusiya Məhkəməsi seçkilərin nəticələrini təsdiq edib.

Beləliklə, Azərbaycan parlamentinin yeni seçilmiş deputatları rəsmən təsdiq olunublar. Artıq bu gün V çağırış Milli Məclisin ilk sessiyası keçiriləcək.

Milli Məclisin ilk sessiyasında Milli Məclisin sədri və sədrin müavinləri seçiləcək.

Sessiyada parlamentin komitə sədrləri və komitə sədrlərinin müavinlərinin seçilməsi də nəzərdə tutulub.