İsrail hərbçiləri iki fələstinlini öldürdülər

İsrail hərbçiləri israillinin ölümündə təqsirlinin evinin sökülməsi zamanı İordaniya çayının Qərb sahilində onlara atəş açan fələstinlilərə cavab atəşi açarkən ən azı iki fələstinlini öldürüblər, bu barədə yerli “Maan” agentliyi həkimlərin məlumatına istinadən xəbər yayıb.

İsrail ordusunun Kalandiyada, Ramallah şəhərində gecə keçirdiyi əməliyyat atışma və yüzlərlə yerli sakinin iştirakı ilə baş tutan kütləvi iğtişaş ilə müşayiət edilib, onlar əsgərlərə daş və içində alışan maddə olan şüşələr atıblar, Oxu.Az RİA Novosti-yə istinadən xəbər verir.

“Əməliyyat zamanı şübhəli bilinənlər hərbçilərə atəş açıblar, onlar isə hücum edənlərin istiqamətində cavab atəşi açıblar. Üç hədəfin vurulduğu təsdiqlənib”, - ordunun mətbuat xidmətindən bildirilib, amma ölənlər və yaralananlar barədə məlumat dəqiqləşdirilməyib.

Reydin məqsədi Muhammed ibn Abu Şahinin evinin sökülməsi olub, o, iyunda israilli Dani Qoneni qətlə yetirib.

“Danini Şahinə çaya gedən yolu göstərmək üçün dayandığı zaman vurublar. Hücum zamanı daha bir yerli sakin yaralanıb. Hökumətin göstərişinə müvafiq olaraq gecə təhlükəsizlik qüvvələri tərəfindən Muhammed Abu Şahinin Kalandiyadakı yaşayış yeri sökülüb”, - press-relizdə deyilir.

İsrail hakimiyyəti tərəfindən evlərin sökülməsi cəzası son iki aya yaxın müddətdə yəhudi dövlətinin 14 vətəndaşının həyatını itirməsinə səbəb olan ərəb zorakılığının növbəti dalğasını dayandırmaq üçün həyata keçirdiyi tədbirlərdən biridir.