İlham Əliyev İspaniya kralını təbrik edib

Prezident İlham Əliyev İspaniyanın kralı Əlahəzrət VI Felipeyə təbrik məktubu yollayıb.

AzNews.info prezidentin saytına istinadən xəbər verir ki, məktubda deyilir: "Əlahəzrət,

İspaniya Krallığının milli bayramı münasibətilə Sizi və Sizin simanızda bütün xalqınızı şəxsən öz adımdan və Azərbaycan xalqı adından səmimi qəlbdən təbrik edirəm.

Belə bir əlamətdar gündə Sizə möhkəm cansağlığı, xoşbəxtlik, dost İspaniya xalqına daim əmin-amanlıq və firavanlıq diləyirəm".