İlham Əliyev Niderland kralını təbrik etdi

Azərbaycan prezidenti İlham Əliyev Niderlandın Kralı Əlahəzrət Villem-Aleksandrı Kral günü münasibətilə təbrik edib.

Oxu.Az dövlət başçısının rəsmi saytına istinadla xəbər verir ki, təbrik məktubunda deyilir:

“Əlahəzrət,

Niderland Krallığının milli bayramı – Kral günü münasibətilə Sizi və Sizin simanızda bütün xalqınızı səmimi qəlbdən təbrik edirəm.

Bu əlamətdar gündə Sizə möhkəm cansağlığı və xoşbəxtlik, dost Niderland xalqına daim əmin-amanlıq və firavanlıq arzulayıram”.