Ərdoğan Rusiyaya gedir

Türkiyə prezidenti Rəcəb Tayyib Ərdoğan sentyabrın 23-də Moskvada yeni Moskva Cümə məscidinin açılışında iştirak edəcək.

Oxu.Az xəbər verir ki, bu barədə RİA Novosti-yə verdiyi müsahibəsində Rusiya Müftiləri Şurasının sədri şeyx Ravil Qaynutdin bildirib.

“Moskvaya, sözün əsl mənasında bu tarixi hadisəyə şahid olmaq üçün bir çox dövlət liderləri, onların arasında Türkiyə prezidenti Rəcəb Tayyib Ərdoğan da var, eləcə də Asiya, Avropa və bütün ərəb-müsəlman dünyasının dövlətlərinin tanınmış liderləri təşrif buyuracaq”, - o deyib.

Rusiyanın Müftilər Şurasının sədri “Rusiya müsəlmanları arasında nüfuza malik olan” Rusiya prezidenti Vladimir Putinin də “bu ilin sentyabr ayının 23-də Moskvada məscidin açılışında iştirak edəcəyinə” əminlik ifadə edib.