Putin Stiven Siqal ilə döyüşməkdən imtina etdi

Çin Xalq Respublikasının Dövlət Şurasının baş nazirinin müavini Van Yanq Rusiya prezidenti Vladimir Putinə amerikalı aktyor Stiven Siqal ilə rinqdə qarşılaşmağı təklif edib.

Oxu.Az İnterfaks-a istinadən xəbər verir ki, təklif Rusiya liderinin Russki adasında okeanariuma baxmağa gələrkən, cümə günü sentyabrın 4-də edilib.

Onu Primoryenin qubernatoru Vladimir Mikluşevski Çin nümayəndə heyətinin üzvü və aktyorun özü qarşılayıb.

Binaya daxil olmazdan öncə Van Yanq Putin və Siqalın döyüş növlərilə məşğul olmaqda maraqlarının üst-üstə düşdüyünü qeyd edib, onlara rinqdə görüşməyi təklif edib.

“Mən bunu etməzdim”, - Putin deyib.

Putin 11 yaşından sambo və cüdo ilə məşğul olur. 2006-cı ilin sentyabr ayından Avropa Cüdo İttifaqının fəxri prezidenti, 2010-cu ildən isə Cənubi Koreyanın Yönin universitetinin “Cüdo üzrə doktor” diplomunu alıb. Putin sambo üzrə idman ustası adını alıb və dəfələrlə bu döyüş növü üzrə Sankt-Peterburqun çempionu olub. Onun karate üzrə qara kəməri var.

Siqal yeddi yaşından döyüş növləri ilə məşğuldur və 20 ilə yaxın Yaponiyada yaşayıb. Orada aykido müəllimlərindən dərs alıb və özü də dərslər verib. Aktyor bu döyüş növündə yeddinci dana sahibdir.