Ərdoğan İŞİD-ə DAESH dedi

Türkiyə prezidenti Rəcəb Tayyib Ərdoğan ilk dəfə İŞİD terror qruplaşmasını DAESH adlandırıb.

ANS PRESS-in məlumatına görə, Parisdə Yelisey Sarayında Fransa prezidenti Fransua Ollandla ilə keçirdiyi birgə mətbuat konfransında İŞİD-lə bağlı maraqlı açıqlamalar verən Ərdoğan Bəşər Əsəd hakimiyyətini terror qruplaşmasından daha təhlükəli adlandırıb:

"Bu terror təşkilatlarının atdıqları addımlara qarşı hər hansı ciddi tədbirlər görülmür. Amma təəssüf ki, biz tək qalmışıq. Əsəd rejimini qarşısına almayan, "Əsəd gedərsə, nə olacaq" deyə düşünən bir anlayışın DAESH ilə mübarizə etməsi mümkün deyil".

Qeyd edək ki, Fransa İŞİD-in İslam dövləti adlandırılmasına qarşı kampaniyaya başlamışdı. Fransa terror qruplaşmasına ərəbcə qısaldılmış DAESH adlandırmağı təklif edib.

Məhz bu səbəbdən terror qruplaşmasından həmişə danışan zaman onu İŞİD deyə adlandıran Ərdoğanın Parisdə DAESH deməsi təsadüf sayılmır.

DAESH adı ərəbcə "Dawlah al-Islamiyah fil-'Iraq wa ash-Sham"ın ilk hərflərindən götürülüb.