Rusiyada saxta sənədləri olan azərbaycanlılar saxlanıldı

Avqustda Rusiya DİN-nin Taymır xəttinə nəzarət şöbəsinin əməkdaşları, Moskvadan gələn aviasərnişinlərin sənədlərinin yoxlanılması zamanı Azərbaycan respublikasının beş vətəndaşını saxlayıblar.

Oxu.Az Rusiya DİN-nin saytına istinadən xəbər verir ki, onlar tərəfindən təqdim edilən “Xarici vətəndaşın “Norilsk şəhəri” və Taymır Dolqano-Nenetski bələdiyyə rayonu ərazisinə giriş izni” nəqliyyat polisində şübhə doğurub.

Aparılan ekspertiza nəticəsində sənədlərin saxta olduğu aşkar edilib.

Saxta sənədlərdən istifadə faktı üzrə vətəndaşlara qarşı cinayət işləri açılıb.

Onlara qarşı 80 min rubl məbləğində cərimə, və ya iki ilə qədər islah əmək və yaxud da üç aydan altı aya qədər həbs cəzası tətbiq edilə bilər.