Türkiyədə atışma: 3 əsgər şəhid oldu

Türkiyənin Bingöl böləsində PKK yaraqlıları ilə münaqişədə 3 türk əsgəri şəhid olub, daha 6 əsgər yaralanıb.

Oxu.Az Türkiyə mətbuatına istinadən xəbər verir ki, bir qrup terrorçu tərəfindən bağlanmış yolun açılması üçün Bingölün Karlıova şəhərinə yola düşən əsgərlərin olduğu zirehli maşınlardan biri yol kənarında quraşdırılmış məsafədən idarə olunan bomba vasitəsilə partladılıb.

Hadisədən sonra bölgədə döyüş helikopterlərinin iştirakı ilə əməliyyat keçirilir.