"Bakıya səfər" pulsuz olacaq – VİDEO

Azərbaycanın oyun studiyası "Two Morons" yeni mobil oyunu olan "Bakıya səfər"-i təqdim etdi.

Tərtibatçıların AzNews.info-ya verdiyi məlumata görə, oyunun hazırlanması bir il altı ay ərzində mümkün olub. Oyunda ayrı-ayrı personajlar və xəritələr yükləmək mümkündür ki, Subwey Surfers-dən fərqli olaraq yüklənmiş yerlər həmişəlik oyunun yaddaşında qalır.
Oyunda heç bir reklam məhsulları yoxdur. Tərtibatçıların sözlərinə görə, onların əsas məqsədi Azərbaycanda da öz dilimizdə yüksək keyfiyyətli oyunların hazırlanmasını nümayiş etdirmək idi. Yaxın zamanda oyunun rus və ingilis dilində versiyaları da işıq üzü görəcək.



Oyunun "Bakıya səfər" adlandırılması oyunda Bakının tarixi, gəzməli və görməli yerlərinin nümayiş olunması ilə əlaqədardır.
Artıq Google Play istifadəçiləri oyunu buradan yükləyə bilər.


Tezliklə App Store və Windows Phone üçün də versiyaları yükləmək mümkün olacaq.