Paşayev yarım ton şokoladdan Atatürkün heykəlini düzəldib Türkiyəyə apardı

Azərbaycanlı biskvit ustası Sənan Paşayev yarım ton şokalladdan Atatürkün heykəlin düzəldib və Türkiyədə sərgiyə çıxarıb.

Virtualaz.org Türkiyə KİV-lərinə istinadən xəbər verir ki, Paşayev şokalad heykəli Samsundakı bürünc Atatürk heykəlinə bənzədib. Heykəl Samsunda keçirilən 3-cü beynəlxalq biskvit ustaları yarışması çərçivəsində təşkil edilən Tort və Şokalad Festivalında nümayiş etdirilir.

Azərbaycanda təxminən üç həftəyə düzəldilən və 2 metrlik postament üzərinə qoyulan 1.5 metr hündürlükdəki şokalad heykəl sərgidən sonra Samsun Valiliyi tərəfindən alınaraq muzeydə nümayiş etdiriləcək.



Paşayev “Anadolu” agentliyinə açıqlamasında deyib ki, heykəli 1919-cu il 19 may İstiqlal Gününün 100 illiyinə həsr edib. “Uzun illər sərgilənməsi üçün heykəli Samsun valiliyinə hədiyyə etdik. Azərbaycanla Türkiyə iki qardaş ölkədir, bizim üçün də Atatürkün anlamı çox böyükdür”-o bildirib.

Şokalddan heykəlin düzəldilməsində iştirak edən Halime Coşkun isə deyib ki, əsərin ərsəyə gəlməsinə layihələndirmə ilə birlikdə bir aya yaxın vaxt sərf olunub. Heykəl Samsuna Azərbaycandan xüsusi maşınla aparılıb.