Deputat prezidentin qərarını alqışladı » AzNews.info -Xəbər portalı

Deputat prezidentin qərarını alqışladı

Deputat prezidentin qərarını alqışladı


Ölkə prezidenti İlham Əliyevin Nazirlər Kabinetinin “Meşə təsərrüfatına dəymiş ziyana görə maddi məsuliyyətə cəlb edilmə qaydaları haqqında” qərara dəyişikliklərin ləğv olunması barədə göstəriş verməsini müsbət hesab edirəm və alqışlayıram.

Hesab edirəm ki, dövlət başçısı cəmiyyətdən gələn reaksiyalara vaxtında qiymət verdi və çox düzgün addım atdı. Çünki Nazirlər Kabinetinin, baş nazirin belə bir qərarına, doğrudan da, heç bir ehtiyac və zərurət yox idi.

Bunu Oxu.Az-a açıqlamasında millət vəkili Vahid Əhmədov deyib.

O qeyd edib ki, əslində, bu gün insanların, vətəndaşların özlərinin aylarla zəhmət çəkib becərdiyi, yetişdirdiyi meyvə məhsulları tökülüb yerdə qalıb:

“İnsanlar min bir əziyyətlə yetişdirdikləri meyvə məhsullarını sata bilmirlər, o ki qaldı gedib meşədən meyvə yığıb, onları satmağı düşünsünlər.

Bu gün insanların özlərinin yetişdirdikləri məhsullar yerdə tökülüb qalıb, çürüyüb gedir, yaxın duran da yoxdur. Belə olan halda, kim gedib meşədən meyvə yığacaq və onu satmağı, başqa cür istifadə etməyi düşünəcək?

Vallah, bəzən elə məsələlər, elə qərarlar olur ki, bilmirsən onu haradan tapıb “icad edirlər”. Bilmirsən ki, bu, kimin, kimlərin ağlına gəlib.

Ona görə də cənab prezidentin addımını, insanların narahatlığna vaxtında reaksiyasını çox müsbət sayıram və onun son addımını alqışlayıram”.

Mənbə: Oxu.Az
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *