Türkiyə, ABŞ və Rusiya liderləri Fransada görüşəcək

Türkiyə prezidenti Rəcəb Tayyib Ərdoğan 10-11 noyabr tarixlərində Parisə səfəri zamanı Rusiya və ABŞ liderləri Vladimir Putin və Donald Tramp ilə görüşməyi planlaşdırır.

Yenicag.az xarici mediaya istinadən xəbər verir ki, Türkiyənin dövlət başçısı bunu ölkəsində ikigünlük səfərdə olan ukraynalı həmkarı Petro Poroşenko ilə keçirilən birgə mətbuat konfransında deyib.

“10-11 noyabr tarixlərində Parisdə ABŞ rezidenti Donald Tramp, həmçinin Rusiya prezidenti Vladimir Putin ilə danışıqlar aparmaq üçün fürsətimiz olacaq” – deyə Ərdoğan bildirib.