Zaxarova: Sülh nizamlanması tərəflərin maraqlarına cavab verir

Hər bir ölkə özünün müstəqil siyasətini yürüdür. Müstəqil dövlətlərin özlərinin diplomatik təmaslarının qrafikini necə tərtib etməsinin Rusiyaya aidiyyatı yoxdur.

Oxu.Az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova ABŞ prezidentinin müşaviri Con Boltonun Rusiyaya səfərindən sonra Cənubi Qafqaza yollanmasının səbəbləri ilə bağlı suala cavabında deyib.

Boltonun Dağlıq Qarabağ münaqişəsinin nizamlanması ilə bağlı bəyanatlarına gəldikdə isə Zaxarova onlardan xəbərsiz olduğunu bildirib.

“Təbii ki, biz hesab edirik ki, sülh yolu ilə nizamlanma ATƏT-in Minsk qrupunun iştirakçılarının və münaqişə tərəflərinin maraqlarına cavab verir”, - deyə o vurğulayıb.