Nikol Paşinyan: “Rusiya Ermənistanın daxili işlərinə qarışmayacaq”

Ermənistandakı etiraz hərəkatının lideri Nikol Paşinyan “Kommersant” qəzetinə müsahibəsində bildirib ki, ölkədəki siyasi vəziyyəti “zərif” yolla dəyişmək mümkündür.

Ölkədəki siyasi vəziyyəti necə dəyişməli mövzusunda danışarkən Paşinyan qeyd edib ki, hakimiyyət dəyişikliyi “lazım olduğu qədər” davam edə bilər.

Etiraz hərəkatının lideri əlavə edib ki, Rusiyanın ölkədə baş verən hadisələrə reaksiyasını “çox yaxşı” qiymətləndirir.

“Bizi buna inandırıblar və təəssürat yaranır ki, onlar hərəkata və erməni xalqının fikrinə hörmətlə yanaşırlar, daxili işlərimizə qarışmayacaqlar, necə ki, Ermənistan Rusiyanın daxili işlərinə qarışmayacaq”, - o deyib.