İŞİD Kabildə partlayış törətdi: 48 ölü, 112 yaralı – YENİLƏNİB

Əfqanıstanın paytaxtı Kabildə baş verən partlayışda ölənlərin sayı 48 nəfərə çatıb.

Bu barədə yerli KİV-ə ölkənin Səhiyyə Nazirliyindəki mənbə məlumat verib.

Qeyd edilir ki, partlayış zamanı həmçinin 112 nəfər yaralanıb.

***13:43

İŞİD terror qruplaşması Əfqanıstandakı partlayışa görə məsuliyyəti üzərinə götürüb.

Bu barədə "Reuters" məlumat yayıb.

***13:17

Əfqanıstanın paytaxtı Kabildə partlayış törədilib.

Virtualaz.org xarici KİV-ə istinadən bildirir ki, hadisə paytaxtın qərbində, seçicilərin qeydiyyatı mərkəzinin qarşısında baş verib.

Daxili İşlər Nazirliyinin nümayəndəsi bildirib ki, hadisə nəticəsində 31 nəfər ölüb, 50 nəfərdən çox adam xəsarət alıb.

Hadisənin terrorçu kamikadze tərəfindən törədildiyi bildirilir.