Kabildə Novruz şənliyi faciəyə çevrilib: 26 ölü

Kabildə Novruz bayramını qeyd edən insanlara hücum nəticəsində azı 26 nəfər həlak olub, 18 nəfər isə yaralanıb.

Oxu.Az RİA Novosti-yə istinadla xəbər verir ki, bu barədə Əfqanıstan Daxili İşlər Nazirliyinin nümayəndəsi Nusra Rahimi bildirib.

Partlayış martın 21-də Kabil Universitetinin yaxınlığında, Novruz bayramı şənliyi zamanı baş verib. İlkin məlumata əsasən, partlayıcı qurğu terrorçu-kamikadze tərəfindən işə salınıb. Ölənlərin sayının arta biləcəyi istisna olunmur.