Türkiyə Afrini Əsədə qaytarmalıdır LAVROV ANKARANI TƏƏCCÜBLƏNDİRDİ

Türkiyə “Zeytun budağı” əməliyyatından sonra vəziyyəti stabilləşdirmək üçün Afrinin idarəçiliyini Suriya hökumətinə versə daha düzgün olardı.

Virtualaz.org bildirir ki, bunu Rusiyanın xarici işlər naziri Sergey Lavrov Moskvada keçirdiyi mətbuat konfransında deyib.

O bildirib ki, Türkiyə prezidenti Rəcəb Tayyib Ərdoğan “Zeytun budağı” əməliyyatından sonra Türkiyə Ordusunun Afrində qalacağını heç vaxt deməyib və əməliyyat bitdikdən sonra bu bölgənin idarəçiliyini Suriya hökumətinə verilməlidir.

"Ən azı, belə bir yol axtarılacağına ümid edirəm", - Lavrov vurğulayıb.

Maraqlıdır ki, Lavrovun Afrinin idarəçiliyinin Türkiyənin əvvəlcədən elan etdiyi kimi, ASO-ya deyil, Suriya rejiminə geri verməsi gərəkdiyi barədə açıqlamasını türk mediası "Lavrovdan təəccüblü açıqlama" kimi tirajlayıb.