Saakaşvilinin tok-şousu başladı

Gürcüstanın sabiq prezidenti və Ukraynanın Odessa vilayətinin keçmiş rəhbəri Mixail Saakaşvilinin Ukraynanın “Zik” telekanalında siyasi tok-şousu başlayıb.

Bu barədə M.Saakaşvili özü Facebook səhifəsində yazıb.

O qeyd edib ki, “Başqa Ukrayna” verilişinin ilk buraxılışı yüksək reytinqlər toplayıb.

Verilişin qonaqları Ali Radanın deputatları və ekspertlər olub.

Qeyd edək ki, M.Saakaşvilinin siyasi tok-şou aparacağı martın sonlarında elan olunmuşdu. Veriliş hər həftənin üçüncü günü axşam saatlarında efirə çıxacaq.