Ərdoğan "faşist" Avropası ilə münasibətləri təkrar gözdən keçirəcək – REFERENDUMDAN SONRA

Türkiyə prezidenti Rəcəb Tayyib Ərdoğan bildirib ki, prezident səlahiyyətlərinin genişlənilməsi haqda referendumdan sonra onun ölkəsi "faşist və amansız" Avropa ilə münasibətləri təkrar gözdən keçirə bilər.

Virtualaz.org Reuters-ə istinadən bildirir ki, bu bəyanatı o, martın 21-də Ankarada keçirilən mitinqdə çıxış edərkən səsləndirib.

"Bu Avropa - İkinci Dünya müharibəsinə qədər olan: irqçi, faşist, amansız Avropadır. Antiislam və anti-Türkiyə Avropa”, - deyə agentlik çıxışdan sitat gətirib.

O qeyd edib ki, referendum Avropaya ən yaxşı cavab olacaq.

Prezident həmçinin vurğulayıb ki, Avropa Birliyinin hakimiyyəti dövlətlərarası birləşməyə mümkün girişi bəhanəsi ilə Türkiyəyə daha təsir edə bilməyəcək. Bundan başqa, o əlavə edib ki, "izləmə apara" bilməsinlər deyə, heç bir Avropa siyasətçisini ölkəsinə buraxmayacaq.

Daha əvvəl AFR kansleri Angela Merkelin başçılıq etdiyi Xristian-demokratik partiyasının sədr müavini Folker Bufe bildirmişdi ki, Türkiyə prezidenti Almaniyada istənilməyən qonaqdır.

"Əgər o bura gələcəksə, mənim fikrimcə, biz onu buraxmağa məcbur deyilik, çünki bu bizim ölkəmizin təhlükəsizliyini hədələyir", - deyə siyasətçi qeyd etmişdi.