Lavrov Bundestaqın “erməni soyqırımı”nı tanımasının səbəblərini izah etdi

Almaniya parlamenti qondarma “erməni soyqırımı”nı Türkiyənin bir sıra məsələlərdə tərəfdaşlıq etmək istəməməsi səbəbindən tanıyıb.

Oxu.Az İnterfax-a istinadən xəbər verir ki, bu sözləri Rusiyanın XİN rəhbəri Sergey Lavrov deyib.

“Güman edirəm ki, bütün bunlar Türkiyənin bir sıra məsələlərdə tərəfdaşlıq etmək istəməməsi, dövri olaraq qalmaqal yaratması və tərəfdaşlarını, o cümlədən Avropadakı tərəfdaşlarını təhqir etməsindən irəli gəlir”, - o deyib.

Lavrov qeyd edib ki, rəsmi Moskva Bundestaqın qərarına deputatların öz iradələrini azad ifadə etməsi kimi baxır.