Şahdağda ekstremal şou: "Run 'n' roll" – FOTO

Fevralın 7-də “Xtreme Pro” və “Bizon Energy Drink”in sponsorluğu ilə “Şahdağ” Turizm Mərkəzində növbəti əyləncəli yarış təşkil olundu.

AzNews.info xəbər verir ki, fevralın 7-sində Şahdağ Turizm Mərkəzində çox maraqlı və həyəcan dolu layihə baş tutdu. Bizon Run n` Roll adlanan layihə hər zaman olduğu kimi Azərbaycanın qış istirahət və xizək mərkəzində əyləncə sektorunda bir ilkə imza atmış oldu. Bu dəfə Xtreme Pro təşkilatçıları böyük ölçülərdə kreativ boulinq oyunu təşkil etməyə müvəffəq oldular. Burada əsas ideya müəyyən hündürlükdən içərisinə adam daxil olmuş 3 metrlik böyük şar ilə aşağıda yerləşdirilən böyük keqliləri dağıtmaq, bununla da maraqlı şou və ekstrim əyləncəyə nail olmaq idi.

Burada 1 iştirakçı şarın içində aşağı sürüşməli, ikinci iştirakçı isə müəyyən xüsusi kostyumda şarın qarşısında qaçmalı idi. Yarışmada 2 nəfərdən ibarət komandaların qeydiyyatı elan olunmuş, 140 qeydiyyat içərisində ən maraqlı 25 komanda seçilmişdir. Layihənin qaliblərini isə bu Xtreme Pro-nun təşkilatçısı olduğu yarışlarda ikiqat qalib olan Məryəm Məhəmməd və Gülsümxanım Nəbizadədən ibarət münsiflər heyəti seçdi. 2 kriteriya üzrə qaliblər aşağıdakı komandalar oldu:
“Ən uğurlu texnika” nominasiyasında mamksimum xal toplayan “Колдуны” komandası oldu.

“Tamaşaçıların simpatiyası” nominasiyasında isə maraqlı şou və geyimləri ilə hər kəsin dəstəyini qazanmış “Monster Ladies” komandası qalib gəldi.
Layihənin qalibləri Bizon Energy Drink və Xtreme Pro, habelə Şahdağ Turizm Mərkəzi və PAŞA Sığorta tərəfindən dəyərli hədiyyələrlə mükafatlandırıldı.




Qeyd edək ki, “Şahdağ” Turizm Mərkəzi hər il ənənəvi olaraq həyəcan və əyləncə sevənlər üçün bu qəbildən olan proqramlar təşkil edir. Xüsusilə gənclərin həvəs göstərdiyi bu cür tədbirlər əvvəlki illərdə də böyük marağa səbəb olub.

Səbinə Mustafayeva
Orxan Səfərli