Gennadi Züqanov: "Türkiyə ilə diplomatik əlaqələri kəsmək lazım deyil"

Rusiya kommunistlərinin lideri Gennadi Züqanov Türkiyə ilə diplomatik əlaqələrin kəsilməsinin əleyhinə olduğunu bəyan edib.

G.Züqanov Su-24 qırıcının vurulmasından sonra Rusiyanın Türkiyə ilə diplomatik əlaqələrin kəsilməsində məna görmədiyini bildirib.

“Fikrimcə, indiki şəraitdə iki ölkə arasında danışıqlar yaxşı nəticə verə bilər" - deyə o qeyd edib.

G.Züqanovun sözlərinə görə, bəzi kommunistlərin Türkiyə ilə diplomatik əlaqələrin kəsilməsi ilə bağlı təkliflərini partiyanın mövqeyi kimi qəbul etmək düzgün deyil".